Pythontilbedelse på påskeafta

Vi er alle (ikkje sant?) Python-tilbedarar. Og alle som var unge då Life of Brian kom ut i 1979, huskar at den faktisk vart forbudt i Norge, og at svenskane brukte det i reklamen for filmen. Det er rart å tenkja på no! Men når myndighetene fekk tenkt seg om vart den tillaten likevel. Vi storma alle til kinoane for å sjå den, mens vi nesten måtte gå spissrotgang forbi demonstrerande kristne. Hovedanklagen deira var at filmen var blasfemisk, og latterliggjorde Jesus. Python-gjengen forsvarte seg med å sei at det ikkje var ein parodi på Jesus. Den handla om Brian, som - heilt tilfeldig -  vart fødd i nabostallen til Jesus, vart tilbedd og til sist korsfesta.

I denne sketsjen frå Not the Nine O'Clock News, så snur dei på flisa. Eg kan ikkje sei meir uten å røpa poeng, så eg seier bare: Snurr film!



Sketsjen i seg sjøl er ein parodi på ein debatt på BBC-programmet Friday Night, der John Cleese  og Michael Palin diskuterte filmen saman med B-kjendisen Malcolm Muggeridge og biskopen i Southwark, Mervyn Stockwood. Eller diskuterte og diskuterte fru Blom! Men debatten er likevel lærerik. Du kan sjå den her: Del1, Del2, Del3, Del4.

Det besynderlige her er at det var dei to komikarane som framsto som dei seriøse og vel forberedte, mens dei to andre hengav seg til drittslenging og billige poeng. Og i ettertid har JC (our Lord) sagt at når han såg debatten omigjen, så vart han slått av kor dustete Muggeridge og Stockwood var. Eg syns jo det var svært snilt sagt! :)