Den klassiske speilrutinen, der ein person prøver å vera ein annan sitt
speilbilde, er sikkert like gammal som speilet sjøl. Den vart opprinnelig
gjort på scenen. På film skal den vera brukt først i 1912 av Alice Guy-Blaché i ein film kalla His double. Ho var ein av filmpionerane,
og antagelig den einaste kvinnelig regissøren frå 1896 til 1906. Dessverre
er hennar versjon gått tapt. Men Chaplin sin variant i The Floorwalker (1916) fins fremdeles. Også Harold Lloyd gjorde ein søt, men kort variant i filmen The Marathon (1919).
Seinare laga Max Linder ei nydelig (men litt lang) utgave i Seven
Years Bad Luck (1921) der ein tenar kjem i skade for å knusa eit
speil, og prøver å skjula dette faktum ved å imitera alle bevegelsane til
sin herre*. Så har også Charley Chase laga ein lettare absurd versjon i Sittin' Pretty (1924). Rutinen er gjort mange
gonger#, både før og etter disse, men vi skal sjå på to
eksempel.
* Max Linder sin versjon er tydelig inspirert, om ikkje kopiert, frå dei såkalte "The Schwarz Brothers." (som egentlig var far og son) sin rutine "The broken Mirror", som var veldig populær på denne tida. Dei to prøvde å få copyright på rutinen, og klarte det faktisk i både i Frankrike, Tyskland, Spania, og Austerrike. Og i 1912, raida austeriksk politi kinoar for å konfiskera kopiar av den nederlandske filmen De Gebroken Spiegal. Max Linder hadde ein annan versjonav sketsjen i filmen Le Duel de Max, og denne vart bare vist i England og andre land der det ikkje var copyright!
# For eksempel har Bette Midler ein variant frå Big Business frå 1988.
Eksempel 1 frå Duck Soup
Men det var nok brødrene Marx som har laga den mest kjente versjonen. Den er frå filmen Duck Soup frå 1933. Her møter vi Fredoni sin president (Groucho) som finn ein spion (Harpo) frå nabolandet Sylvania inne i soverommet sitt. Dei jaktar kvarandre ned trappa og møtest ansikt til ansikt i identiske nattdrakter. Resultatet er ein herlig, absurd dans:Eksempel 2 frå I love Lucy
Så skal vi sjå Lucille Ball og Harpo gjera ein utmerka versjon i showet hennar I love Lucy. Harpo var hennar favorit-Marx, og valgte han som gjest i episode 28 av sesong 4 (1955). Harpo skal ha hatt ei hjerteatakk like før, og legane rådde han frå å delta. Heldigvis (for TV-komedien) ignorerte han dette!* Max Linder sin versjon er tydelig inspirert, om ikkje kopiert, frå dei såkalte "The Schwarz Brothers." (som egentlig var far og son) sin rutine "The broken Mirror", som var veldig populær på denne tida. Dei to prøvde å få copyright på rutinen, og klarte det faktisk i både i Frankrike, Tyskland, Spania, og Austerrike. Og i 1912, raida austeriksk politi kinoar for å konfiskera kopiar av den nederlandske filmen De Gebroken Spiegal. Max Linder hadde ein annan versjonav sketsjen i filmen Le Duel de Max, og denne vart bare vist i England og andre land der det ikkje var copyright!
# For eksempel har Bette Midler ein variant frå Big Business frå 1988.
Kommentarer
Legg inn en kommentar