Ein høgst forventa sketsj

Det er to ting vi kan trygt sei om denne sketsjen: Den handlar om spanske inkvisisjonen, og den er veldig morsom. Og veldig intelligent. Tre ting! Dei tre tinga vi kan sei om denne sketsjen er at den handlar om den spanske inkvisisjonen, at den er veldig morsom, og veldig intelligent. Og ikkje minst handlar den om forventningar. Fire ting!

Vi tar det om igjen: Den Spanske Inkvisisjonen dukka opp i Monty Python's Flying Circus, serie 2, episode 2, og vart først sendt 22 september 1970. I dag er den ein av dei sketsjane som veldig ofte, og med god grunn, blir nevnt som ein av dei morsommaste Monty Python har laga. Dette gjer den høgst forventa (pluss at forrige klipp også var frå denne episoden). Så len deg tilbake i din Comfy Chair, og nyt den. Sketsjen kjem i to deler. Nei tre!

Del 1: "Trouble at the Mill"

Vi møter først ein arbeidar på mølla (Graham Chapman) som kjem inn og fortel ei kvinne som sit og strikkar (Carol Cleveland) at  "one of the cross beams has gone out askew on the treadle". Deretter dukkar den spanske inkvisisjonen ganske uventa opp, i alle fall den første gongen. Inkvisisjonen består av kardinal Ximénez (Michael Palin) og hans to assistentar, kardinal Biggles (Terry Jones) og kardinal Fang (Terry Gilliam).

Del 2: "Photos of Uncle Ted"

Seinare møter vi to kvinner. Den eldste (Marjorie Wilde) viser bilder til den yngste (Cleveland). Det tar ikkje kort tid før våre tre raudkledte menn dukkar opp igjen:

Del 3: i retten

Eg har desverre ikkje funne klipp av dette, men på slutten av episoden er vi i retten, der ein dommar (Chapman) dømmer ein annan dommar (Jones) til å bli brent på staken. Han seier då "Eg forventa ikkje den spanske inkvisisjonen", og då ventar sjølsagt heile retten på akkurat det. Men inkvisisjonen er denne gong svært forsinka, og mens rulleteksten begynner, ser vi dei tre raudkledte springa ut av huset og inn på ein buss. Til slutt stoppar bussen utanfor retten og kardinalane spring inn i rettssalen. Dei rekk akkurat å sei "Ingen forventar den --"  idet "THE END" visest på skjermen, og Ximinez repliserer, "Oh bugger."

Teksten.